Benvido a Lexitrad, a vitrina profesional de Sofía Godino Villaverde e Fabien Champême, dous tradutores autónomos que no ano 2002 decidiron formar un equipo en Vigo para ofrecer os seus servizos tanto a empresas como a axencias de tradución.
Este sitio permitiralle coñecernos e descubrir os diferentes servizos que ofrecemos.
Ao sermos dous tradutores autónomos, ofrecemos servizos de tradución en varias combinacións lingüísticas e en numerosos campos de especialización.
Adoitamos traballar con programas de tradución asistida por ordenador (TAO) como Trados Studio, MemoQ ou Transit NXT e garantimos calidade e seriedade en todos os nosos traballos.
Para máis información, consulte os nosos respectivos perfís.
Ir a Tradutores
Sofía é tradutora xurada* nas seguintes combinacións lingüísticas:
* Tradutora xurada habilitada pola Xunta de Galicia. Número de habilitación: 0079
A localización de software é a tarefa que consiste en traducir un soporte lóxico dun idioma a outro adaptándoo á cultura local. Este tipo de tradución abrangue tres aspectos: a interface do usuario, a axuda en liña e a documentación.
Grazas a Trados Studio, a nosa principal ferramenta de tradución asistida por ordenador (TAO), somos capaces de xestionar estes tres aspectos da localización.
Ao igual que no caso da tradución e da localización de software, a localización de contido Web non consiste simplemente en verter un texto a unha lingua meta nin se limita exclusivamente ás palabras. Ademais dos contidos textuais que deben ser obrigatoriamente adaptados ao sistema lingüístico e cultural da lingua de chegada, hai que adaptar outros moitos elementos.
As nosas ferramentas permítennos xestionar estas tarefas e entregar sitios Web totalmente traducidos.
Chámome Sofía Godino Villaverde. As miñas linguas de traballo son o francés e o portugués e as miñas linguas maternas son o español e mais o galego.
Títulos:
Licenciatura en Tradución e Interpretación, Universidade de Vigo.
Tradutora xurada Francés>Galego.
Combinacións de idiomas:
Español, Francés e Portugués > Galego
Francés, Galego e Portugués > Español
Campos de especialización:
Textos científicos (sobre todo de carácter médico, como consentimentos informados, follas de información ao paciente, ensaios clínicos, etc.), textos técnicos (instrucións de uso, fichas de datos de seguridade, etc.), textos turísticos (guías de viaxes, folletos, sitios Web), textos pedagóxicos (libros de texto) e textos de carácter xeral ou divulgativos.
Chámome Fabien Champême, posúo unha formación técnica e lingüística e apaixóname todo o relacionado co mundo da tecnoloxía.
Títulos:
Máster en Tradución e Documentación Científico-Técnica, Universidade de Pau (Francia).
Diploma de Mantemento Industrial, Universidade de Lyon (Francia).
Combinacións de idiomas:
Inglés > Francés
Español > Francés
Campos de especialización:
Patentes, electrónica / enxeñería electrónica, enxeñería, industria, mecánica / enxeñería mecánica, ordenadores (material, programas, sistemas e redes) e tecnoloxía da información.